Ndryshe nga dy javë më parë, në Silverstone, këtë javë makina Ferrari ishte më superiore në provat për Çmimin e Madh të Hungarisë në Formula 1.
Piloti gjerman Sebastian Vettel me Ferrari ka siguruar sot “pole position” në pistën e Hungaroringut në përfundim të provave zyrtare.
Një paraqitje e shkëlqyer e pilotit gjerman të “kokëkuqes”, që dha kohën 1’16”276, duke qenë më i shpejti në pistë. Në vendin e dytë u rendit një tjetër pilot i Ferrarit, Kimi Raikkonen, shumë pranë shokut të skuadrës, duke konfirmuar se makina italiane do të jetë pretendente për fitore nesër në garë.
Ferrari ka siguruar kështu vijën e parë të startit, duke lënë pas dy makinat Mercedes, në vendet 3-4 me Valtteri Bottas që la pas shokun e skuadrës Lewis Hamilton.
Zhgënjyen disi makinat Red Bull, që edhe pse dje ishin më të shpejtat, sot u renditet, ashtu si shpesh këtë sezon, më vendet 5-6 me Max Verstappen dhe Daniel Ricciardo.
Gjithsesi, gjashtë makinat e para janë brenda 6 të dhjetave, duke e lënë të hapur garën për nesër. Në “top 10“ u renditën edhe Nico Hulkenberg (Renault), Fernando Alonso (McLaren), Stoffel Vandooorne (McLaren) dhe Carlos Sainz (Toro Rosso).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
