Nis të dielën dhe mbyllet të martën, zbulohet axhenda për javën e 13-të në Superiore

Nuk ka shumë kohë pushim për skuadrat e Superiores, të cilat pasi luajtën në mesjavë, tani duhet të përgatiten për ndeshjet e fundjavës, të vlefshme për xhiron e 13-të.

Kastrioti-Egnatia do të ngrejë siparin të dielën me fillim nga ora 13:45, ndërsa 3 orë më vonë në fushë do të zbresin Vllaznia dhe Skënderbeu, me shkodranët që e luajnë në shtëpi këtë sfidë.

Të hënën vëmendja më e madhe është në derbin Partizani-Dinamo, që është planifikuar të luhet në 19:45, 3 orë pas ndeshjes tjetër mes Teutës dhe Kukësit.

Java e 13-të do të mbyllet ditën e martë, me një supersfidë, siç është ajo mes Laçit dhe Tiranës, dy skuadra që po tregojnë formë shumë të mirë deri tani.

JAVA 13:

E diel

Kastrioti-Egnatia 13:45

Vllaznia-Skënderbeu 16:45

E hënë

Teuta-Kukësi 16:45

Partizani-Dinamo 19:45

E martë

Laçi-Tirana 13:45