Merkatoja dimërore do të jetë një periudhë shumë e rëndësishme për Manchester United.
Drejtuesit e kanë filluar punën dhe po planifikojnë ndërhyrjet për ti siguruar trainerit Ruben Amorim një ekip kompetitiv për pjesën e mbetur të sezonit.
Portugezi e ka përqënduar vëmëndjen tek mesfusha, repart tek i cili ka vënë re disa difekte.
Së fundmi në listën e tij janë përfshirë dy lojtarë, Carlos Baleba dhe Angelo Stiller.
Kamerunasi është pjesë e Brightonit në Premier League ndërsa 24 vjeçari mbron ngjyrat e Stuttgartit.
Progresi i tyre as që ka nevojë për diskutim dhe sipas Fabrizio Romanos në zyrat e ‘’ Old Traffordit ‘’ po bëhet një analizë e detajuar referuar pjesës vendimtare të sezonit.
Nëse i referohemi afrikanit duhet thënë se drejtuesit e bardhebluve pretendojnë rreth 115 milionë euro ç’ka e komplikon arritjen e marrëveshjes.
Ndërsa për Angelo Stiller krerët e gjemanëve synojnë rreth 50 milionë euro dhe për presidencën e ‘’ Djajëve të Kuq ‘’ mund të jetë një lloj avantazhi.
Vijimësia do të jetë një periudhë reflektimi në kampin e gjigandëve të Anglisë të cilët kanë humbur ndjeshëm terren në vitet e fundit referuar titujve por besohet se me anë të një merkatoje cilësore historia mund të ndryshojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
