Portieri kamerunas, Andre Onana, ka njoftuar se do të largohet nga holandezët e Ajax në fund të sezonit. Prej kohësh është folur për interesime të shumta në drejtim të portierit, i cili tashmë po përgatitet për një aventurë të re.
E ardhmja e Onana pritet të jetë te Interi, me të cilët thuhet se ka arritur një marrëveshje dhe pritet vetëm zyrtarizimi.
Vetë portieri, ka konfirmuar së fundmi se do të largohet nga Ajax në fund të sezonit.
“Pasi kam dhënë gjithçka për këtë klub, është koha për t’u larguar. Artikuj në media për mua dalin çdo ditë. Mund t’ju them se nuk kam një marrëveshje me Arsenalin apo Lyonin. Dhe aktualisht kontrata ime është ende me Ajax”, u shpreh Onana
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
