Sfida me Vllazninë në Shkodër, klubi i Kukësit vendos transport falas për tifozët

Kukësi do të përballet me Vllazninë ditën e nesërme, në një ndeshje direkte për një vend në Europë.

Pas humbjes së fundit me Partizanit, verilindorët do të kërkojnë me çdo kusht fitoren, për të mos rrezikuar.

Në këtë sfidë të rëndësishme, te Kukësi duan edhe mbështetjen e tifozëve dhe për këtë arsye, klubi ka njoftuar se ka vendosur transport falas për tifozët që duan ta ndjekin skuadrën në Shkodër. Bëhet e ditur, se tifozët duhet të paguajnë vetëm biletën 200 lekë, pasi transportin do e kenë falas.

Presidenca e Klubit ka vendosur transport falas nga qyteti i Kukësit për ndeshjen ndaj Vllaznisë, e cila do të luhet nesër në stadiumin “Loro Boriçi” në Shkodër. Çmimi i biletave do të jetë 200 lekë, ndërkohë që transporti është falas.