Një ndër pikat më të dobëta të Manchester City-t pavarësisht dominimit në çdo kompeticion ka rezultuar mbrojtja. Pep Guardiola nuk është i kënaqur me këtë aspekt edhe pse është afër fitimit të Champions Leagues . Prezenca e John Stones dhe Ruben Dias nuk mjafton për spanjollin për të përballuar sezonin vijues ku do të ketë shumë trofe në lojë dhe do të kërkojë të mos devijojë nga protagonizmi i deritanishëm . Në listën e bardhekaltërve orët e fundit është përfshirë kampioni i Italisë me Interin Alessandro Bastoni . 22 vjeçari është përpara një mundësie unike për të vijuar karrierën dhe njëkohësisht do të bënte pjesë në një skuadër fituese .
Traineri i mirënjohur e shikon si copëzën e munguar në linjën e mbrojtjes sepse kërkon të përmirësojë në detaje çdo aspekt për të qenë perfekt. Ishi i Parmës e ka konsoliduar vendin e tij në skemat e Antonio Contes por i mbetet akoma shumë për të bërë dhe me këtë interes ndoshta e ardhmja do ti ndryshojë plotësisht . Megjithatë qëndrimi ose jo në ‘’ Giusseppe Meazza ‘’ lidhet direkt me qëndrimin e 51 vjeçarit që është një ndër kontribuesit kryesorë të suksesit të Interit në Scudetto . Por rikuperimi i mentalitetit fitues nga Interi i motivon automatikisht drejtuesit për ti mbyllur derën kandidatëve për komponentët kryesorë të Antonio Contes nga Milano sepse do të shkelmonte çdo sakrificë të bërë .
Nga ana tjetër duhet evidentuar se Manchester City po përjeton të njëjtën eksperiencë sepse është drejt tripletës pas fitimit të kupës dhe kampionatit dhe ky fakt është një garanci absolute për Alessandro Bastonin se do ta shoqëroje progresin me fitimin e titujve të rëndësishëm në Angli edhe jashtë saj . Projekti ambicioz i Interit sapo ka filluar dhe do të kërkojë ta shtrijë edhe në Uefa Champions League ku do te rikthehet pas një mungese 6 vjeçare për të dhënë sinjalin se nuk e kanë humbur eksperiencën e madhe që i ka mundësuar fitimin e këtij kompeticioni në 3 raste .
Ishi i Atalantës dhe Parmës ka zhvilluar një sezon për tu mbajtur mend gjatë dhe e ka bindur Antonio Conten gjatë 41 ndeshjeve në të cilat ka dhënë një kontribut të shkëlqyer drejt rrugës tek suksesi i arritur nga zikaltërit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
