Erling Haaland prej shumë kohësh vijon ta tregojë se mbetet një ndër sulmuesit më të rrezikshëm në qarkullim .
Norvegjezi nuk ka të ndalur tek Manchester City dhe vetëm në sezonin e parë i ka tejkaluar pritshmëritë.
Megjithatë , Real Madridi konsiderohet një ndër pretendentët për ta transferuar në ‘’ Santiago Bernabeu ‘’ në të ardhmen , sidomos në këtë moment , lojtar që bën diferencën pothuajse në çdo ndeshje me ekipin e Pep Guardiolas.
Duke patur parasysh se Karim Benzema e përfundon kontratën në veren e 2024-tes , Carlo Ancelotti e konsideron prioritet për metrat e fundit , pavarësisht se edhe Kylian Mbappe është një ndër objektivat kryesorë të Florentino Perezit.
Drejtuesit e ‘’ Galaktikëve ‘’ si në çdo merkato do të kërkojnë protagonizmin absolut sepse flitet për lojtarë të cilët vijojnë të mahnisin dhe japin siguri në fazën ofensive.
Ishi i Borussia Dortmundit do të jetë një ndër protagonistët e merkatos së verës por sigurisht për madrilenët do të jetë shumë e vështirë pasi pritet reagimi i ‘’ The Citiziens ‘’ , të cilët pa dyshim do të bëjnë gjithçka për të siguruar qëndrimin e shtatlartit në ‘’ Etihad ‘’ edhe për shumë sezone.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
