Inter mendon për Emerson Royal

I vetëdijshëm për  largimin  e Achraf Hakimit drejt Paris St Germain  që do ti sigurojë arkave 60 milionë euro , Interi  ka vepruar me të njëjtën monedhë duke  menduar transferimin e  Emerson Royal ne ‘’ Giuseppe Meazza ‘’ .  Lëvizjet e përshpejtuara të skuadrës nga Milano  konsiderohen shumë llogjike sepse nuk duan të humbasin ritëm për sezonin vijues gjatë të cilit  fatet e pankinës do të jenë në dorën e Simone Inzaghit.  Me  kalimin tek zikaltërit , ishi i Lazios ka gjeneruar impulse pozitive  sepse  në një farë mënyre ka ‘’ triumfuar ‘’ duke i siguruar bardhekaltërve një vend në kupat e Europës  dhe e konsideron 22 vjeçarin  nga Sao Paolo një opsion të dobishëm për krahun e djathtë të mbrojtjes .

Lojtari që është në pronësi të Barcelonës i detyron katalanasit të aplikojnë shitjen e tij për të riparuar dëmin ekonomik   dhe  ti japin mundësinë Interit që të vijojnë me revolucionin e menduar.  Në këtë operacion asnjë nga skuadrat nuk do të dalë e humbur sepse  do të arrinin objektivat e  vëna.  Emerson Royal  është një lojtar shumë i shpejtë dhe shpërthyes në krahun e djathtë të mbrojtjes dhe  do ti vinte për mbarë Interit sepse  spikat për inkursionet e shpeshta   drejt portave kundërshtare dhe  gjatë sezonit ka treguar efikasitet në ruajtjen e stabilitetit  në prapavijë për  llogari të ‘’ Los Verdiblancos ‘’. 

  Në sezonin e lënë pas  ish-i i  Ponte Pretas dhe Atletico Mineiros e ka lënë të kënaqur kilienin Mauricio Pellegrino  por me shumë gjasa aventura  në ‘’ Benito Villamarin ‘’ do të marrë fund së shpejti dhe transferimi tek kampionët në fuqi të Scudettos do të ishte hapi i duhur  për vazhdimin e karrierës .