Edhe pse sezoni aktual është i treti për Antony-n në ‘’ Old Trafford ‘’, ende ky i fundit është shumë larg paraqitjeve të dikurshme me Ajax Amsterdamin.
Braziliani nuk e ka justifikuar investimin e drejtuesve dhe si duket qëndrimi tek 20 herë kampionët e Premier Leagues tashmë ka filluar të diskutohet.
Megjithatë, është Chelsea skuadra që ia ka hapur dyert e ‘’ Stamford Bridges ‘’ pasi traineri Enzo Maresca beson se sulmuesi ka ende shumë për të dhënë në fushën e lojës.
Mungesa e vazhdimësisë është pengesa që po has 24 vjeçari dhe ky fakt sigurisht është shoqëruar me shumë kritika në kohët e fundit.
Ndërkohë, ‘’ Blutë e Londrës ‘’ mendojnë ndryshe dhe italiani e ka kërkuar transferimin e Antony-t në kryeqytetin anglez gjatë merkatos së dimrit.
Chelsea po rindërtohet si skuadër dhe transferimi i mundshëm i ishi-t të Sao Paolos do të ishte një tjetër mundësi për të arritur objektivat në karrierë.
Sfidat e ardhshme do të jenë të vështira për nxënësin e Ruben Amorim, të cilit do ti duhet të tregojë vlerat ose përndryshe mund të largohet shumë shpejt nga i ashtuquajturi ‘’ Pallati i Endërrave ‘’.
5 sfida dhe 1 gol janë një statistikë e vakët për një lojtar të këtij kalibri, i cili pretendohet tashmë nga një ekip që aspiron fitimin e titujve të rëndësishëm në çdo sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
