Gjatë verës tek Chelsea natyrisht do të ketë një revolucion.
Priten disa largime nga ‘’ Stamford Bridge ‘’ dhe Enzo Maresca duket se ndryshimin do ta fillojë nga kuadrati i bardhë.
Italiani ja ka vënë gishtin Kepa Arrizabalagas, sipas ekspertit Fabrizio Romano.
Natyrisht spanjolli nuk do të jetë i vetmi pasi parashikohen rreth tetë largime nga kryeqytetasit, një ekip i cili e ka humbur shkëlqimin e dikurshëm.
Tentativat për përmirësim vijojnë nga traineri italian, të mbështetura fuqimisht nga pronari Todd Boehly i cili ka investuar në çdo merkato për Chelsean.
Gjatë eksperiencës me ‘’ Blutë e Londrës ‘’ 30 vjeçari është huazuar fillimisht tek Real Madridi dhe tashmë tek modestët e Bournemouthit dhe konsiderohet i pazëvëndësueshëm nga bashkombasi Andoni Iraola.
Për drejtuesit e Chelseat ky është një lajm shumë i mirë, për të cilin disa klube janë interesuar së fundmi.
Ndërkohë, manjati i ish fituesve të Champions Leagues do të tentojë të rikuperojë sadopak investimet e bëra gjatë merkatos së kaluar dimërore me shitjen e gardianit të tre shtyllave, i cili në 14 sfidat e sezonit aktual ka pësuar 18 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
