Tek Barcelona janë të vetëdijshëm se mesfushori Sergi Busquets nuk do të qëndrojë përtej 30 qershorit, ditë në të cilën i përfundon kontrata dhe tashmë spanjollët kanë nisur ofensivën për Ilkay Gundogan .
Gjermani është shëndërruar në objektivin primar të katalanasve sipas të famshmes ‘ Sport ‘ dhe avantazhi për ‘’ Los Cules ‘’ është fakti se po i afrohet fundit të kontratës me Manchester City-n dhe mund ti shërbejë në të ardhmen.
Megjithatë , ashtu siç pritej në njëfarë mënyre , numri një i stolit Pep Guardiola nuk pranon largimin e 32 vjeçarit nga ‘’ The Citiziens ‘’ dhe madje ka insistuar në qëndrimin për më gjatë tek ishullorët.
Por s’duhet anashkaluar se tundimi për të veshur ngjyrat kuq e blu është mjaft i madh dhe pikërisht drejtuesit po e shfrytëzojnë këtë fakt për t’ia mbushur mendjen Ilkay Gundogan ti bashkohet kësaj skuadre, e cila është distancuar shumë nga titujt në sezonet e fundit por shpresohet se Barcelona do të rikthehet edhe më e fortë në të ardhmen.
Një kalim në Katalunjë do të theksonte edhe dorëheqjen nga rroga e majme që përfiton tek Manchester City por megjithatë skuadra e Xavi Hernandezit konsiderohet një ndër më cilësoret pavarësisht ulje-ngritjevem, të cilat janë mëse normale në futboll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
