Trajneri Ardi Behari, në emisionin “Skaner” në MCN TV, foli për fitoren e Tiranës ndaj Bylisit, duke thënë se bardheblutë nuk janë skuadër e konsoliduar, por këtë po e bëjnë duke fituar ndeshjet.
Në lidhje me barazimin e Partizanit ndaj Kastriotit, Behari tha se pa lodhje të kryeqytetasit, për të cilët u shpreh se harxhuan energji të tepërta ndaj Korabit në Kupë.
Tirana është cinike dhe del kollaj te goli. Ndeshja shkoi në favor të Tiranës. Bardheblutë e nxjerrin dhe e shfrytëzojnë rastin që iu del. Nuk kanë një ekip të konsoliduar, por po konsolidohen duke fituar. “Air Albania” e kanë kthyer në tempullin e tyre. Tiranën e shikoj një klub që janë jo me shumë bujë në merkato. Nga loja që ka treguar Tirana, tregon se nuk ka pasur ndonjë impakt negativ largimi i Xhixhës. Ka qenë një lloj strategjie e Tiranës, për të pasur në ekuilibër largimet dhe ardhjet.
E prisja më të vështirë terrenin për Partizanin. Fusha mbajti shumë. Në përgjithësi Partizani e dominoi pjesën e parë, Kastrioti e priti. Partizani ishte më konkret. Unë pashë një lodhje te skuadra. Harxhuan energji të tepërta me Korabin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
