Siç dihet tashmë , një ndër prioritetet e Xavi Hernandezit për skuadrën e zemrës është përforcimi i krahut të djathtë të mbrojtjes.
Barcelona prej vitesh vijon të këtë luhatje në këtë pozicion dhe pas paraqitjeve të dobëta të Hector Bellerin dhe Sergi Robertos, Vanderson i Monacos është bërë pjesë e merkatos së kësaj skuadre.
Braziliani shkëlqeu me monegaskët në sezonin e kaluar , transferim i qëlluar në shenjë nga francezët.
21 vjeçari konsiderohet një ndër më të mirët e trainerit Phillippe Clement por pengesa që mund të hasin katalanasit është vlera e kartonit prej 60 milionë eurosh.
Monaco në vitet e fundit është parë si një destinacion ideal në merkato dhe këtë fakt e kanë konfirmuar lojtarë si Kylian Mbappe dhe Bernardo Silva, të cilët shumë shpejt treguan potencialin, respektivisht tek Paris St Germain dhe Manchester City.
Merkatoja e verës së ardhshme mund të flasë ndryshe për ishi-n e Gremios dhe një kalim tek Barcelona sigurisht do të konceptohej një hap shumë i suksesshëm në karrierë dhe natyrisht një mundësi për të fituar trofe , me ish kampionët e La Ligas dhe jo vetëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
