Gazetari Roland Qafoku, i ftuar në emisionin “EuroZone” në MCN TV, zbuloi se është një tifoz i Anglisë. Në fjalët e tij, ai tha se italianët vijnë me më shumë përvojë në finale, duke shtuar se kjo është një mundësi shumë e mirë për Anglinë që të marrë trofeun.
“Jam tifoz i Anglisë. Nuk më lidh ndonjë emigracion, por në fund të viteve ’80, filluan ato mësimet e gjuhës anglishte. Aty kuptuam që nuk ishte vetëm Brazili si trendi. Mësuam kulturën angleze. Statistikat janë kundër Anglisë, në krahasim me Italinë. Italianët vijnë shumë me përvojë. Kjo është finalja e parë në ‘Wembley’. Nëse nuk fitojnë aty ku do fitojnë?! Italia pjesën më të fortë ka qendrën e mbrojtjes, pavarësisht se janë veteranë dhe të lashtë. Sulmin e Italisë nuk mund ta krahasosh me atë të Anglisë. Janë shumë herë më lart anglezët në sulm.”, u shpreh Qafoku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
