Gazetari Gerti Çarçani analizoi në studion e MCN Informacion ecurinë e ligjit për bastet. Çarçani tha se ndërsa ligji mbetet ende i pazbatuar, bastet ilegale gëlojnë.
Ka një komision fiktiv për të caktuar licencat. Shohin njëri-tjetrin, marrin honorarët dhe i fusin një gjumë me argumentin se presin për aktet nënligjore. Në Shqipëri, pesha e lidershipit është konstatuar qartë. Në çdo situatë abuzohet me emrin e lidershipit.
Komisioni luan dhe abuzon në mënyrë të vazhdueshme, nuk kemi ende aktet nënligjore. Nuk e kanë nisur ende procedurën për licencat. Për të respektuar ligjin merr kohë edhe dhënia e licencave.
Nuk shkon asnjë lek në buxhetin e shtetit. Gëlon e zeza, aktiviteti jolegal. Shpresoj shumë që ministri Gonxhe ta shtyjë përpara këtë proces. Mungesa e basteve, ligji i sponsorizimit është i bllokuar, pra mbetet vetëm buxheti, 1.5 milionë euro për 26 federata.
Çdo kontribut ekstra nga shteti është i mirëpritur, por kjo është gjendja financiare. Bastet ishin një trase nga e cila mund të merrej një financim për sportin. Duke qenë e bllokuar, mbetet vetëm buxheti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
