Tratativat për të firmosur me Alessandro Bastonin vijojnë nga drejtuesit e Barcelonës.
Edhe para disa sezoneve ‘’ Blaugranët ‘’ shfaqen interes për mbrojtësin i cili konsiderohet një ndër më të mirët në Europë.
Ishi i Parmës prej shtatë sezonesh është konsoliduar në prapavijën e Interit por me kalimin e kohës është pretenduar edhe nga Manchester City dhe Real Madridi.
Presidenti i ‘’ Los Cules ‘’ Joan Laporta do të tentojë përsëri gjatë merkatos së verës për ta transferuar në ‘’ Camp Nou ‘’ për arsye se Hansi Flicku e kërkon medoemos.
Paraqitjet dinjitoze në çdo kompeticion kanë ndikuar automatikisht edhe tek rritja e vlerës së kartonit të 26 vjeçarit, momentalisht 80 milionë euro.
Eksperienca jo vetëm në Serinë A por edhe në Champions Leagues është një arsye më shumë për ta patur pjesë të skuadrës edhe pse do të jetë e vështirë sepse ‘’ Qytetarët ‘’ dhe ‘’ Galaktikët ‘’ mund ti ndezin sërish motorrët për shërbimet e tij.
Në aspektin ekonomik përbën një sfidë për Barcelonën por pritet gjithsesi që Joan Laporta të bëjë maksimumin.
Mënyra se si luan ekipi i Hansi Flickut konsiderohet idealja për adaptimin e shpejtë të Alessandro Bastonit, gjithmonë nëse do të arrihet objektivi pasi gara do të jetë emocionuese.
12 sfida dhe 1 gol numëron nxënësi i Cristian Chivus në sezonin aktual, determinant në çdo të tillë dhe një siguri për këtë repart.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
