Bayern Munchen ka bërë një veprim të rëndësishëm gjatë orëve të fundit . Bavarezët kanë deklaruar nxjerrjen në merkato të Robert Lewandovskit . Marrëdhëniet e përkeqësuara ndërmjet trainerit Hans Dieter Flick dhe drejtorit sportiv Hasan Salihamidzic kanë iniciuar këtë problematikë tek kampionët e Gjermanisë . Sipas raportimeve të Sky Sports disa klube me peshë të Europës janë duke e analizuar situatën e polakut në ‘’ Allianz Arena ‘’ dhe agjenti i tij Pini Zahavi e ka nisur këtë proçes me vënien në kontakt me drejtuesit e tyre .
Ky informacion është përgënjeshtruar nga këta të fundit për faktin logjik se Robert Lewandovski shënon statistika tepër të larta të cilat e pozicionojnë jo vetëm si më të mirin në Gjermani por praktikisht në tërë botën . Statistikat e arritura e shëndërrojnë në një emblemë tek Bayern Munchen sepse i kanë tejkaluar kufinjtë e imagjinatës . Në 37 ndeshjet e sezonit aktual sulmuesi i lindur në qytetin e Varshavës ka shënuar 43 herë dhe ka asistuar në 8 raste .
Përpara pak kohësh e ardhmja e Robert Lewandovskit u lidh ngusht me një kalim tek një ndër skuadrat e Los Anxhelesit të cilat shpallën një luftë të hapur për golashënuesin e pangopur dhe tashmë kanë rënë sërisht këmbanat e alarmit për ndryshimin e destinacionit. Eksperienca e madhe që mbart dhe sidomos impakti i lënë në fushë në çdo ndeshje ia mban pa dyshim të hapur derën ishi-t të Borussia Dortmundit për ti kaluar vitet e mbetura të karrierës brilante në cilin klub të dëshirojë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
