Që nga 1 janari i 2024-tës, mesfushori Guido Rodriguez ka hyrë në fazën finale të kontratës me Real Betisin.
Argjentinasi do të jetë i lirë të negociojë me cilindo klub që dëshiron gjatë verës dhe ky fakt është pasuar me interesin e një gjigandi në Angli dhe jo vetëm.
Manchester United do të sfidojë Atletico Madridin dhe Barcelonën për 29 vjeçarin, i cili gjatë pesë sezoneve në ‘’ Benito Villamarin ‘’ ka dëshmuar se vijon të jetë një ndër më të mirët në 11-shen e Manuel Pellegrinit.
Nuk duhet anashkaluar se andaluzët po përjetojnë një situatë kritike në aspektin ekonomik dhe largimi i ishi-t të Tijuanas mund të rezultojë një ndihmë e madhe.
Guido Rodriguez u pretendua edhe nga Interi në të kaluarën, të cilit i duhet të zgjedhë destinacionin e ardhshëm ose të vijojë eksperiencën tek Real Betisi, një kockë e fortë në Spanjë dhe më gjerë.
Deri në momentin që flasim ky lojtar numëron 158 sfida por ndryshimi i ambjentit mund të jetë fillimi i një tjetër aventure, që do të shoqërohej edhe me avantazhe në aspektin ekonomik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
