Trajneri i Lazios, Maurizio Sarri duke folur pas humbjes me Milanin, tha se skuadra e tij nuk bëri në fushë atë që kishin përgatitur në stërvitje. Gjithashtu ai foli edhe për sherrin në fund të ndeshjes, ku tha se ishte Ibra që dërgoi Saelemaekers të kërkonte falje te Sarri, për një gjest të pahijshëm.
“Ekipi duhet të ketë guximin të shkojë përpara dhe të mbrojë në gjysmëfushën e kundërshtarit. Kur vini nga pushimet e kombëtareve, e panjohura është e trefishtë.
Ne bëmë një lojë, që është e kundërta e asaj që kemi punuar në stërvitje gjatë gjithë javës.
Sherri në fund? Saelemaekers bëri një gjest që njerëzve të moshuar si unë nuk iu bëhet. Pas kësaj, Ibra e dërgoi atë që të më kërkonte falje mua dhe gjithçka u mbyll aty. Janë gjëra të fushës.”, tha Sarri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
