Ditët e fundit të merkatos së verës ishin shumë të rëndësishme për të ardhmen e mesfushorit Suso, i cili u pretendua me ngulm nga Juventusi. Edhe pse drejtuesit e ‘’ Zonjës së Vjetër ‘’ ishin në kontakt të vazhdueshëm me spanjollin , koha nuk premtoi shumë dhe si përfundim qëndroi tek Sevilla. Natyrisht traineri Jose Luis Mendilibar u gëzua nga ky fakt për arsye se Suso është një ndër lojtarët kyç të ‘’ Los Rojiblancos ‘’ , të cilët nuk e kanë filluar mirë sezonin dhe në tre javët e para numërojnë tre humbje. Megjithatë, transferimi tek torinezët do të ishte një hap përpara në karrierë për 29 vjeçarin , i cili edhe në të kaluarën provoi veten në Serinë A , tek Milani dhe Genoa. Duhet parë se çfarë do të ndodhë gjatë merkatos së dimrit, një tjetër mundësi për italianët për të tentuar blerjen e Susos, i cili e njeh shumë mirë këtë kampionat për arsye të eksperiencave të mërparshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
