Brahja: Më vjen keq që ndeshja mbaroi 4-3, pjesa e dytë do jetë mësim

Zv.trajneri i Egnatias, Julian Brahja, foli për MCN TV, pas fitores që rrogozhinasit regjistruan 4-3 ndaj Erzenit.

Brahja deklaroi se ndjen keqardhje që rezultati përfundoi kështu, për shkak të rasteve që skuadra kishte. Sipas tij, pjesa e dytë do të jetë mësim për skuadrën, pasi rrezikuan shumë barazimin.  

Ishte një pjesë e parë shumë e mirë e jona. Jemi të kënaqur për fitoren. Një pjesë e dytë jo shumë e mirë, lëshuam pak terren. Duke parë rastet që kishim, më vjen keq që u mbyll 4-3. Duhet të kishim shënuar më shumë me rastet që kishim. Ekipi jonë dominoi gjithë lojën. Pjesa e dytë, ndoshta ekipi u tërhoq mbrapa për shkak të rezultatit.

Kjo pjesa e dytë do jetë një mësim për të gjithë ne. Duke parë 4-1 të parën dhe rrezikuam në të dytën, do ishte fatale për ne, por të barazonim.