Ekipi i Juventusit ka arritur të hedhë një hap të suksesshëm në këtë ditë të fundit të merkatos . ‘’ Zonja e Vjetër ‘’ ka zyrtarizuar rikthimin e sulmuesit Moise Kean në ‘’ Allianz Stadium ‘’ i cili konsiderohet si zëvëndësuesi i Cristiano Ronaldos . 21 vjeçari është huazuar tek italianët deri në 2023-shin kundrejt 7 milionë eurove të cilat përfshijnë blerjen përfundimtare të kartonit që kap 23 milionë eurot .
Në këtë mënyrë Evertoni e ka rikompensuar totalisht investimin e bërë për sulmuesin e lindur në Vercelli , skuadër ku nuk arriti të përshtatej ashtu siç duhet dhe u huazua tek Paris St Germain .
Megjithatë sfida për Moise Kean sapo ka filluar sepse do të ketë një përgjegjësi shumë të madhe mbi supe e cila lidhet me faktin e të qënit lider në majën e sulmit dhe gjithashtu të tregojë se vijon të mbetet një sulmues i spikatur në Itali . Juventusit i mbetet një rrugë e gjatë për të bërë sepse fillimisht i duhet të mposhtin dominimin e Interit në sezonin e kaluar dhe realizimin e një performance dinjitoze në Uefa Champions League , kompeticion i cili i ka shpëtuar disa herë nga duart gjigandëve të Scudettos.
Pavarësisht se kanë mbetur edhe pak orë për tu mbyllur zyrtarisht merkatoja , duke qenë se flitet për një skuadër shumë të njohur surprizat nuk mund të anashkalohen deri në momentin e fundit .
Moise Kean e finalizoi sezonin e kaluar tek ‘’ The Toffes ‘’ me 39 ndeshje , 4 gola dhe 2 asiste dhe tashmë do të ketë shansin për të vijuar karrierën tek ish kampionët e Serisë A .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
