Armando Broja ka zhvilluar një sezon shumë të mirë në Holandë, aty ku ishte pjesë e skuadrës së Vitesse. Kartoni i lojtarit zotërohet nga Chelsea, por këta të fundit vensodën që ta huazojnë në Eredivisie, për të marrë më shumë eksperiencë.
Një zgjedhje shumë e mirë kjo nga drejtuesit londinezë, pasi Broja në Holandë me fanellën e Vitesse, ka arritur të shënojë 11 gola në sezonin e parë. Statistika të shkëlqyera këto, duke ditur se sulmuesi është vetëm 19 vjeç. Për këtë arsye, trajneri i Chelsea Thomas Tuchel, thuhet se i ka kërkuar drejtuesve që ta rikthejnë në skuadër lojtarin.
Sipas asaj që raporton “Sky Sport”, klubi anglez po përgatit rinovimin e kontratës për Brojën, pasi trajneri beson shumë në aftësitë e lojtarit. Këtë verë nga Chelsea me shumë mundësi do të largohen dy sulmuesit, Giroud dhe Abraham dhe për këtë arsye pritet të ketë më shumë hapësira për Brojën, i cili premton shumë për të ardhmen, jo vetëm për Chelsean, por edhe për Shqipërinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
