Drejtori i Akademisë së Vllaznisë, Alban Hasani, ka humbur vajzën. Lajmi u bë i ditur nga klubi kuqeblu, që njofton se vajza e Alban Hassanit, Vesa është ndarë nga jeta në moshën 17-vjeçare.
“Mbarë komuniteti i futbollit shpreh dhimbjen e thellë për humbjen e parakohshme të Vesës – vajzës së mikut, kolegut tonë Alban Hasanit .Fjalët janë të tepërta në këto momente trishtimi , por i lutemi Zotit që ta forcojë familjen dhe shpirti i saj të prehet në paqe”, shkruan klubi shkodran.
Ditën e djeshme, ishte trajneri i Vllaznisë, Migen Memelli, i cili për MCN TV, deklaroi se vajza e Alban Hasanit po luftonte me jetën, ndërsa sot u dha edhe lajmi i hidhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
