Atalanta peshkon tek Athletic Bilbao

Me një performancë të shkëlqyer në Serinë A Atalanta vijon e palëkundur rrugën drejt progresit .  Klasifikimi si e dyta pak javë përpara përfundimit të kampionatit  e ka entuziazmuar pa masë  ‘’ La Dean ‘’ për të vepruar me intensitet   edhe gjatë merkatos verore .  Puna e përkryer e strategut Gian Piero Gasperini në funksion të pozicionimit të kësaj skuadre ndër më interesantet e  Europës vijon të japë rezultate të mrekullueshme .  E konsideruar e dorës së dytë Atalanta ka befasuar opinionin publik dhe futbollin në tërësi me një forcë të jashtëzakonshme që e karakterizon që është fuqizuar me mentalitetin fitues të trainerit italian .  Zyrtarisht mund të thuhet se Atalanta e ka nisur ofensivën drejt fuqizimit në vigjilie të sezonit te ri .

63 vjecari ka spikatur një lojtar që po bën bujë me Osasunan  në Primera Division .  Sipas ‘’ As ‘’ mesfushori i talentuar Jon Moncayola është bërë pjesë e planeve  të numrit një të ziklatërve .  Me këtë tentativë Atalanta i ka shpallur automatikisht luftë Athletic Bilbaos ,  e cila kërkon ta transferojë në ‘’ San Mames ‘’.  Një avantazh minimal i  vaskëve në lidhje me këtë operacion janë marrëdhëniet e shkëlqyera institucionale ndërmjet  palëve  pavarësisht se nuk duhet shmangur fakti se hyrja në luftë e një ndër skuadrave më interesante  në vitet e fundit nuk mund të anashkalohet lehtë .  Projekti ambicioz i lideruar nga Gian Piero Gasperini dhe i mbështetur në mënyrë të padiskutueshme nga presidenti i bergamaskëve  Antonio Percassi nuk lë vend për humbjen e kohës dhe  impakti i shkaktuar në pak vite   ndoshta do të rezultojë si çelës suksesi për transferimin e Jon Moncayolas në ‘’ Gewiss Stadium ‘’ .

Kjo panoramë e favorizon dukshëm Atalantën sepse do ti jepte shansin e artë Jon Moncayolas jo vetëm për të provuar veten në Serisë A  por për të reflektuar cilësitë që mbart edhe në Uefa Champions League pjesmarrja në të cilin  është shëndërruar  në domosdoshmëri për mbretëreshën e Italisë .  Jon Moncayola është aktivizuar nga  Jagoba Arrasate në 32 takime dhe ka shënuar 2 gola gjatë këtij sezoni  .