Largimi i Edouard Mendy në Arabinë Saudite , i ka vënë në lëvizje drejtuesit e Chelseat për ti gjetur një zëvëndësues të denjë francezit. ‘’ Blutë e Londrës ‘’ e kanë përqëndruar vëmëndjen tek Robert Sanchez, i cili prej tre sezonesh ka spikatur tek Brightoni. Lajmi është bërë me dije nga portali ‘’ The Guardian ‘’ dhe në rastin e një transferimi në ‘’ Stamford Bridge ‘’, 25 vjeçari do të rivalizojë me bashkombasin Kepa Arrizabalaga. Në sezonin e shkuar Robert Sanchez e humbi vendin e titullarit dhe pas blerjes së Bart Verbruggen tek Anderlechti, drejtuesit e Brightonit po e mendojnë shitjen e ishi-t të Rochdale. Duhet kujtuar se para pak kohësh kryeqytetasit e humbën garën me Manchester United për Andre Onanan gardiani nga Cartagena vlerësohet nga drejtuesit ,edhe pse kuadrati i bardhë nuk është një prioritet për Chelsean. Aktualisht tek kjo skuadër performojnë pesë portiere por drejtuesit po mendojnë huazimin e amerikanit Gabriel Slonina tek modestët e Eupen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
