Me përfundimin e sezonit si fitues për të herën për të 31-tën herë kapitull që shënoi një rekord historik në Bundesligë , Bayern Munchen ka ndryshuar perspektivën dhe i ka hedhur grepat në merkato . Bavarezët janë të vetëdijshëm se duhet të rrisin intensitetin nëse duan të triumfojnë përsëri në Champions League , kompeticion që kërkon një sfroco ndryshe nga ajo e kampionatit . Aktualisht janë duke analizuar Dani Olmon . Mesfushori spanjoll ka befasuar me rendimentin tek Leipzig dhe impresionoi Barcelonën në të kaluarën . Por ‘’ Blaugranët ‘’ janë sprapsur kur u fol për shifrën që kërkonte Leipzigu për 23 vjeçarin por Bayerni gëzon financa të shëndosha dhe i krijojnë terrenin për transferimin e tij në ‘’ Allianz Arena ‘’.
Përpara kësaj situate lojtari i lindur ne Tarrasa me siguri do të planifikojë më i qetë të ardhmen sepse janë mundësi që krijohen pak herë gjatë karrierës . Në një moshë shumë të re kualiteti nuk ka vonuar shumë për tu dukur duke ia lehtësuar rrugën për më tej . Kjo tentativë është mbështetur fort nga një prej peshave të rënda të Bayern Munchen në të kaluarën si Philipp Lahm që e ka duartrokitur këtë iniciativë . Ish mbrojtësi e shikon si një lojtar cilësor Dani Olmon i cili ka në krah faktin se e njeh shumë mirë këtë skuadër për shkak se është ndeshur kundër tyre .
Por kampionët e Bundesligës duhet të tregohen pragmatikë përballë riaktivimit të mundshëm të interesit të ‘’ Los Cules ‘’ sepse do t’ia prishte entuziazmin për ishi-n e Dinamo Zagrebit . Sipas portalit të specializuar në vlerën e kartonit të lojtarëve Transfermarkt ky operacion mund të kapë 40 milionë eurot . Kontaktet e Bayernit me Leipzigun e kanë fillesën disa kohë më përpara sepse i kanë ‘’ vjedhur ‘’ dy prej elementëve kyç siç janë mbrojtësi Dayot Upamencano dhe traineri Julian Nagelsmann që do ti shërbejnë duke filluar nga sezoni vijues.
Leipzigu do të këtë një çështje të ndërlikuar për të zgjidhur por niset si favorit për qëndrimin e Dani Olmos në ‘’ Red Bull Arena ‘’ sepse kontrata e firmosur skadon në 2024-tën por mbetet për tu parë se si do të veprojnë drejtuesit përkatës gjatë negociatave të verës . Sezoni për këtë lojtar në vija të përgjithshme ka ecur me ritmin e duhur sepse numëron 46 takime , 7 gola dhe 9 asiste .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
