Pas tre sezonesh në ‘’ Santiago Bernabeu ‘’ Antonio Rudiger vijon të jetë një pilar në prapavijën e Real Madridit.
Gjermani e ka konsoliduar vendin e një titullari në 11-shen e formuar nga Carlo Ancelotti, prezencat e të cilit ia kanë shtuar bindjet drejtuesve se duhet t’ia rinovojnë kontratën.
32 vjeçari po rikonfirmon cilësitë e tij dhe në 44 sfidat e sezonit aktual ka gjetur në tre raste rrjetën si dhe ka kontribuar me një asist.
Ecuria e ‘’ Los Merengues ‘’ është edhe falë prezencës së Antonio Rudiger, të cilin e kanë tentuar disa ekipe nga Arabia Saudite së fundmi.
Ky fakt konsiderohet një kërcënim për të ardhmen në Madrid, dhe kryeqytetasit me në krye Florentino Perezin po i lëvizin gurët për të siguruar qëndrimin e shtatlartit.
Në qershorin e 2026-tës kontrata e ishi-t të Romës skadon dhe sipas gazetarit Ekrem Onur kanë nisur kontaktet e para për arritjen e objektivit.
Numri një i stolit është shumë i kënaqur me rendimentin e Antonio Rudiger por duhet theksuar se ulje-ngritjet e ditëve të fundit si përshembull humbja e djeshme kundër Valencias në shtëpi i kanë shtuar përpjekjet e drejtuesve për të siguruar vijimësinë e peshave të rënda.
Tashmë i takon lojtarit në fjalë të vendosë se cilën rrugë do të ndjekë për të ardhmen, shumë i rëndësishëm edhe tek kombëtarja ‘’ Trikolor ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
