UEFA ka zbuluar ditën e sotme kandidaturat fitimin e çmimit “Trajneri i Vitit” dhe “Lojtari i Vitit”.
Për sa i përket 3 kandidatëve për t’u zgjedhur si trajneri më i mirë i vitit nuk ka dyshime. Roberto Mancini i Italisë, Thomas Tuchel i Chelsea dhe Pep Guardiola i Manchester City, janë 3 trajnerët e nominuar për të marrë çmimin e më të mirit.
Mancini fitoi Europianin me Italinë, Tuchel mori Champions League dhe Superkupën e Europës me Chelsean, ndërsa Guardiola shkoi në finalen e Ligës së Kampioneve me Cityn dhe fitoi Premier League në sezonin e fundit.
Çmimi për trajnerin më të mirë të vitit do të jepet më 26 gusht, në ceremoninë që do të mbahet në Stamboll të Turqisë.
Janë zbuluar gjithashtu edhe 3 kandidatët për çmimin e lojtarit më të mirë të vitit. Në listën e 3 më të mirëve bëjnë pjesë dy lojtarë të Chelsea N’Golo Kante dhe Jorginho, si dhe Kevin De Bruyne i Manchester Cityt.
Shanset më të mëdha për fitimin e çmimit “Lojtari i Vitit” i ka Jorginho, i cili përveç se triumfoi me Chelsea në Champions League, fitoi gjithashtu edhe Europianin me Italinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
