Me vetëm Samir Handanovic në dispozicion , Interit i duhet një përforcim për kuadratin e bardhë . Zikaltërit janë të vetëdijshëm se s’duhet të bëjnë hapa fals për të evituar pakënaqësitë gjatë rrugës . I preferuari i Simone Inzaghit është gardiani i Ajax Amsterdamit Andre Onana për të cilin sipas Calciomercatos italiani ka vënë në dijeni drejtuesit për të filluar tratativat për blerjen e afrikanit .
25 vjeçari nga Kameruni ka zhvilluar një performancë të shkëlqyer me kryeqytetasit e cila e ka shëndërruar në një ndër portierët më të mirë të Eredivisies .
Duke qenë se Samir Handanovic është drejt fundit të karrierës , Interi beson se me Andre Onanan poshtë tre shtyllave gjërat do të bëhen edhe më të lehta në lidhje me objektivat e vëna , ndër të cilat është ruajtja me fanatizëm e Scudettos së fituar . Megjithatë një problematikë që do ti duhet të përballojë Interi është se ky portier është sanksionuar nga organizmi i Uefas për doping dhe e finalizon dënimin në muajin nëntor .
Nëse kjo skuadër arrin ta transferojë në ‘’ Giusseppe Meazza ‘’ , Andre Onana nuk do të mund të jetë i disponueshem deri në shlyerjen e tij në datën e përcaktuar . Largimet e komponentëve të rëndësishëm si Romelu Lukaku dhe Achraf Hakimi do të mundohen të rikompensohen me të tjerë emra interesantë të cilët mund të kontribojnë ashtu siç duhet tek Interi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
