Dusan Vlahovic ka pasur menjëherë impakt pozitiv te Juventusi, teksa që në debutim gjeti golin.
Sulmuesi serb u transferua te bardhezinjtë në merkaton e janarit, ndërsa kishte tërhequr më parë vëmendjen e shumë prej klubeve të mëdha europiane.
Megjithatë karriera e Vlahovic mund të kishte vazhduar te Real Madrid, para se të transferohej te Juventus.
Sipas asaj që raporton “Cadena Sar”, Fiorentina pasi kishte marrë ofertën e Juventusit, ia kishte ofruar menjëherë sulmuesin Real Madridit, me shpresën së këta të fundit do të ofronin më shumë.
Megjithatë drejtuesit madrilenë, refuzuan të transferonin dhe të investonin te 22-vjeçari, pasi plani i tyre është i qartë, për të afruar në verë Kylian Mbappe nga PSG si lojtar i lirë, pasi i përfundon kontrata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
