Pavarësisht se jemi vetëm në startin e sezonit , skuadrat me emër të Europës asnjëherë nuk e lënë në prapavijë merkaton e cila është esenciale për mbarëvajtjen e të ardhmes .
Kampioni në fuqi i La Ligas Atletico vijon me këmbngulje rrugën drejt fuqizimit dhe objektivi i rradhës për Cholo Simeonen është Dominik Szoboszlai. 20 vjeçari ka shpërthyer me Leipzigun duke tërhequr vëmëndjen jo vetëm të ‘’ Los Colchoneros ‘’ por edhe Milanit dhe Arsenalit duke e bërë këtë luftë tepër interesante për tu ndjekur .
443 minutat e zhvilluara deri më tani që përmblidhen në 8 ndeshje janë shoqëruar me tre gola dhe një asist nga talenti hungarez duke reflektuar kështu rendimentin e shkëlqyer që demostroi edhe me Salzburgun , skuadër që i shërbeu për t’ia hapur rrugën drejt suksesit .
Faza e kaluar e grupeve të Champions Leagues vuri përballë austriakët me ‘’ Los Rojiblancos ‘’ dhe që nga ajo ndeshje traineri argjentinas vijon ta ketë në axhendë.
Situata e komponentëve aktualë nuk është qartësuar ende tek kryeqytetasit sepse e ardhmja e Joao Felix është vënë në pikpyetje të mëdha së fundmi dhe Diego Simeone i ka paraprirë një largimi të mundshëm të yllit portugez duke zgjedhur Dominik Szoboszlai-n si kandidat për ofensivën e Atleticos .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
