Prej tre sezonesh tashmë Harry Kane vijon të jetë një referent i padiskutueshëm tek Bayern Muncheni.
Anglezi edhe tek bavarezët e ka rikonfirmuar faktin e të qënit një bomber i cili në sezonin aktual numëron 28 gola dhe 3 asiste në 22 sfida.
Ishi i Tottenham Hotspurit pretendohet nga Barcelona por drejtuesit e gjermanëve synojnë medoemos qëndrimin e tij në ‘’ Allianz Arena ‘’.
Statistika e lartpërmendur s’mund të anashkalohet kurrsesi sidomos nëse bëhet fjalë për një ekip elite, në Gjermani dhe kontinentin e vjetër.
Kontrata e ‘’ Uraganit ‘’ përfundon në 2027-tën por interesi i ‘’ Los Cules ‘’ i ka vënë në siklet gjigandët e Bavarisë, duke qenë se është një ndër më të mirët në skemat e trainerit Vincent Kompany.
Flitet se nëpërmjet një klauzole Harry Kane mund të lërë Mynihun gjatë verës së ardhshme për shifrën e 65 milionë eurove dhe dihet tashmë se traineri Hansi Flick kërkon medoemos një pykë për ta zëvëndësuar Robert Lewandowskin.
Pritet një reagim nga krerët e Bayern Munchenit duke qenë se mund të përforcojnë një rival të mundshëm në Champions League në të ardhmen e afërt.
Momentalisht londinezi e shikon vijimësinë tek ky ekip, tek i cili po avancon me sukses.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
