Shpërthimi i Justin Kluivert me Bournemouthin nuk është anashkaluar nga disa skuadra të rëndësishme në kontinentin e vjetër.
Hollandezi është shëndërruar në një referent tek anglezët dhe Bayern Muncheni tashmë ka shfaqur interes për shërbimet e tij.
12 gola dhe 5 asiste në 26 sfida janë statistika premtuese, të cilat kurrsesi nuk mund të anashkalohen nga drejtuesit e bavarezëve.
Që prej largimit të Robert Lewandowskit nga ‘’ Allianz Arena ‘’ gjermanët kanë insistuar për gjetjen e një zëvëndësuesi ideal dhe duket se tashmë e kanë gjetur.
Flitet se presidenca e gjigandëve të Bavarisë mund të ofrojë afro 40 milionë euro për 25 vjeçarin, i cili konsiderohet një lojtar polivalent dhe ky fakt mund ti shërbejë në të ardhmen e afërt.
Ndërkohë, drejtuesit e Bournemouthit nuk do t’ia lehtësojnë largimin nga ‘’ Dean Court ‘’ edhe për faktin e kontratës por në rastin e një oferte bindëse mund të ndryshojnë mendje.
Të shkëlqesh në një kampionat si Premier League, sidomos tek një ekip modest sigurisht përbën një avantazh dhe ishi i Valencias ia ka arritur qëllimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
