Ideja e përforcimit të skuadrës tashmë është e ngulitur thellë në memorien e Diego Simeones . I karakterizuar gjithmonë për një shpirt luftarak dhe dhënien e 100 % si në stërvitje ashtu edhe në ndeshje , argjentinasin e pret një punë intensive në merkato . Objektivat e ‘’ Los Colchoneros ‘’ tashmë janë të ditur dhe pas fitimit të Primera Division do të kërkojë të intensifikojë këmbnguljen drejt suksesit . Këtë herë 50 vjeçari nuk ka shkuar larg Spanjës dhe sipas As është përqëndruar tek sulmuesi i Huescas Rafa Mir .
Kartoni i 24 vjeçarit i përket anglezëve të Wolverhampton me të cilët kontrata i përfundon në 2022- shin por nuk e përjashton largimin nga të besuarit e portugezit Bruno Lage. Spanjolli po analizohet me detaje nga Atletico Madridi sepse është një lojtar që mund ti ofrojë shumë avantazhe repartit të avancuar .
Pas fitimit të kampionatit çdo lëvizje në merkato konsiderohet jetike për Diego Simeonen i cili karakterizohet nga një mentalitet fitues , fakt që në pak vite e ka pozicionuar Atleticon si një ndër skuadrat më të forta të kontinentit të vjetër .
Në lidhje me interesin e spanjollëve , Rafa Mir nuk e ka përjashtuar largimin nga ‘’ El Alcoraz ‘’ dhe gjatë një interviste ka shprehur objektivat e të ardhmes :
“ Dua të vazhdoj këtë rrugë dhe të bëj atë që di më mirë . Objektivi im është rritja ditë pas dite dhe të ndihmoj aty ku do të më takojë të jem “ , ishin këto fjalët e ishi-t të Valencias i cili është në pritje të zhvillimeve të mëtejshme me qëllimin e marrjes së vendimit korrekt për vazhdimin e karrierës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
