Tek Atalanta prej shumë sezonesh tashmë disa lojtarë vijojnë të nxjerrin në pah vlerat e tyre.
‘’ La Dea ‘’ është shëndërruar në një ekip shumë i sikletshëm nën drejtimin e Gian Piero Gasperinit, fitues në fuqi i Europa Leagues.
Natyrisht që ekipet me emër kanë filluar të analizojnë disa komponentë të bergamaskëve dhe këtë herë është Interi, drejtuesit e të cilit po mahniten nga performancat e Matteo Ruggerit.
Anësori e ka fituar besimin e numrit një të stolit dhe e ka konsoliduar vendin e një titullari, tek një ekip ku rivaliteti është tejet i ashpër.
22 vjeçari shquhet si mjaft efektiv në fazën defensive ashtu edhe për inkursionet drejt asaj ofensive, duke i dhënë një tjetër ritëm lojës së Atalantës, momentalisht kryesuese e Serisë A.
Traineri Simone Inzaghi e konsideron ishi-n e Salernitanas një lojtar i cili premton shumë për të ardhmen por presidenti Antonio Percassi ka deklaruar paraprakisht se nuk do të lejojë largimin e tij nëse oferta nuk do të jetë bindëse.
Javët e ardhshme besohet se do të jenë determinante per vijimësinë e Matteo Ruggerit, i cili e ka ndihmuar Atalantën për të avancuar në çdo kompeticion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
