Lista e Kombëtares U-21, për ndeshjet e muajit qershor, ka pësuar përsëri ndryshime. Mesfushori Kristjan Asllani është larguar nga grumbullimi me kuqezinjtë. Shkak për këtë janë bërë problemet fizike që ka shfaqur lojtari dhe pas konsultimeve me stafin mjekësor është vendosur që të largohet.
Në këtë situatë, trajneri Alban Bushi ka vendosur të thërrasë mbrojtësin 17-vjeçar të Bylisit, Marcelino Preka, i cili është bashkuar ditën e sotme me kuqezinjtë. Këto nuk janë ndryshimet e vetme, pasi që në fillim të grumbullimit, u largua sulmuesi Ernest Muçi, i cili gjithashtu kishte probleme fizike.
Kombëtarja Shpresa do të luajë dy ndeshje në muajin qershor, atë ndaj Andorrës në transfertë për eliminatoret e Kampionatit Europian 2023 dhe miqësores ndaj Bullgarisë po jashtë fushe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
