Interi ka pësuar humbjen e parë në kampionat për këtë sezon, teksa është mposhtur me rezultatin 3-1 nga Lazio në transfertë.
Zikaltrit e Inzaghi bënë një pjesë të parë shumë të mirë, teksa e mbyllën në avantazhin e një goli. Në minutën e 12-të, ishte Perisic që kaloi Interin në avantazh, duke shndërruar në gol një penallti të shkaktuar nga Hysaj ndaj Barella.
Pjesa e dytë foli e gjitha për Lazio, që ia doli të përmbysë rezultatin. Fillimisht ishte Immobile që shënoi nga pika e bardhë e penalltisë në minutën e 64-t.
Felipe Anderson shënoi golin e përmbysjes në minutën e 81, por mes shumë protestave të lojtarëve të Interit, për shkak se lacialët nuk respektuan “fair play”, pasi Di Marco ishte i dëmtuar në fushë dhe loja nuk u ndalua.
Për të vulosur gjithçka mendoi Milinkovic Savic, i cili shënoi të tretin më minutën e 90+1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
