Inter insiston për Van de Beek

Prej kohësh tashmë mesfushorit Donny Van de Beek i është vënë etiketa si një ndër operacionet më të dështuara të historisë së Manchester United .  Hollandezi mbërriti në ‘’ Old Trafford ‘’  në verën e 2020-tës kundrejt 40 milionë eurove por me kalimin e kohës i ka bërë të pendohen drejtuesit e  ‘’ Djajëve të Kuq ‘’. 

Mungesa e protagonizmit në skemat e Ole Gunnar Solskjaer e ka përkeqësuar situatën e tij dhe me shumë gjasa do ti thotë lamtumirë ‘’ Pallatit të Endërrave ‘’ në merkaton vijuese.

Në të kaluarën 24 vjeçari u konsiderua si një ndër talentët më të mëdhenjë të dalë nga shkolla e Ajax Amsterdamit por të jesh pjesë e 20 herë kampionëve të Premier Leagues kërkon shumë sakrifica dhe punë konstante . 

Megjithatë jo gjithçka ka shkuar ters për Donny Van de Beek sepse  Interi vijon ta ketë në fokus mesfushorin e talentuar. 

Traineri Simone Inzaghi ka menduar ti  japë një mundësi për të rikuperuar terrenin e humbur dhe ku më mirë se tek zikaltërit të cilët janë të vetmit që kanë mundur ti japin fund dominimit 9 vjeçar të ‘’ Zonjës së Vjetër ‘’ në Scudetto . Vështirësia për të firmosur me  Sergej Milinkovic- Savic e ka detyruar ish trainerin e Lazios të zgjedhë Donny Van de Beek .  

Pavarësisht këtij opsioni , konkurrenca tek Interi gjithmonë ka rezultuar shumë e ashpër por me lojën e treguar sidomos me Ajax Amstedamin  nuk do ta ketë shumë problem të përshtatet tek italianët .

Deri në këtë stad të sezonit nxënësi i Ole Gunnar Solskjaer ka zhvilluar vetëm 3 ndeshje duke treguar se kupa për të është mbushur dhe zgjidhja e vetme është ndërrimi i ambjentit .