Problematikat e theksuara në aspektin ekonomik, natyrisht do t’ia reduktojnë mundësitë drejtuesve të Barcelonës për transferimin e lojtarëve të dëshiruar gjatë merkatos së verës.
Fatkeqësisht spanjollët duhet ti bëjnë llogaritë në këtë mënyrë, të cilët asnjëherë nuk e kanë shmangur vëmëndjen nga dëshirat e vjetra.
Një ndër to është Dani Olmo, i cili pavarësisht shkëlqimit tek Leipzig po e mendon seriozisht rikthimin tek Barcelona.
Mesfushori ishte pjesë e kategorive inferiore në të kaluarën në akademinë ‘’ La Masia ‘’ dhe më pas vijoi eksperiencën tek Dinamo Zagrebi dhe tanimë tek gjermanët konsiderohet një referent i padiskutueshëm.
25 vjeçari preferohet nga Xavi Hernandez por kuq e blutë duhet të kenë kujdes për arsye të interesit të Manchester City-t, Manchester United dhe Real Madridit .
‘’ The Citiziens ‘’, ‘’ Demat e Kuq ‘’ dhe ‘’ Los Merengues ‘’ mbeten një kërcënim për çdo ekip dhe në aspektin ekonomik pa dyshim ish fituesit e La Ligas dhe jo vetëm janë një hap mbrapa.
Gjithsesi, do të jetë një garë tejet emocionuese për Dani Olmon, i cili prej pesë vitesh aktivizohet me gjermanët, një ekip pjesëmarrës rregullisht edhe në Champions League.
19 sfida, 7 gola dhe 4 asiste numëron fantazisti nga Tarrasa në sezonin aktual dhe duhet parë nëse do të vijojë të preferojë ‘’ Red Bull Arenan ‘’ apo do ti japë lamtumirën në fundin e sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
