Mosarritja e akordit me Kylian Mbappe natyrisht ka shkaktuar një lloj zhgënjimi tek Real Madridi për arsye se francezi tentohej prej vitesh nga kryeqytetasit .
Koha kalon dhe llogaritë bëhen për më tej për të qenë në lartësinë e duhur sepse merkatoja është shumë afër dhe Carlo Ancelotti pret mbështetjen e Florentino Perezit.
Një ndër objektivat e ‘’ Galaktikëve ‘’ duket se ka pranuar për të veshur bluzën e këtij ekipi . Bëhet fjalë për talentin e Monacos Aurelien Tchouameni i cili u pretendua edhe nga Chelsea , Liverpool apo Paris St Germain por si duket aktualiteti e ka bindur për të qenë pjesë e spanjollëve për faktin se kanë zhvilluar një sezon për tu mbajtur mend sepse fillimisht fituan La Ligan me shumë meritë dhe do të zhvillojnë finalen e dytë në pak vite kundër Liverpoolit në Champions League .
Ditën e djeshme ‘ The Liverpool Eco ‘ konfirmoi se 22 vjeçari tashmë e ka marrë vendimin për të përfaqësuar ‘’ Los Blancos ‘’ dhe do të ketë privilegjin të drejtohet nga një ndër më të mirët në këtë profesion siç është Carlo Ancelotti.
Pak e nga pak Real Madridi po rikthehet aty ku e meriton pas peripecive të hasura sidomos me largimin e Cristiano Ronaldos që konsiderohet një legjendë tek ‘’ Los Merengues ‘’ por një ekip elite gjithmonë e gjen zgjidhjen për rikthimin tek titujt sepse e kaluara shërben si shtysë drejt arritjes tek sukseset .
Pavarësisht një sezoni të shkëlqyer , puna e drejtuesve sigurisht parashikohet shumë voluminoze gjatë merkatos sepse përpara janë objektiva madhorë të cilët duhet të mbështeten nga transferimet e lojtarëve cilësore në ‘’ Santiago Bernabeu ‘’ dhe përshtatja e shpejtë e tyre në skemat e Carlo Ancelottit për të cilin fjalët janë të tepërta sepse pas La Ligas është afër fitimit të Champions Leagues së parë me Real Madridin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
