Mesfushori Riqui Puig është duke bërë një revolucion të dukshëm me Barcelonën . Sipas Mundodeportivo spanjolli është përfshirë në radarët e Juventusit dhe Interit . Dy gjigandët e Serisë A janë drejt hapave determinantë për të ardhmen . Nga një anë zikaltërit kërkojnë të ruajnë entuziazmin për shkak se janë afër ngritjes së trofeut të 19- të në Scudetto ndërsa bardhezinjtë kërkojnë të harrojnë sezonin e dështuar që po i lë fatura të shtrenjta . Përveç aspektit sportiv ekonomia e ‘’ Zonjës së Vjetër ‘’ dhe Interit po kalon kohë të vështira dhe nuk munden të realizojnë operacione të majme por në rastin konkret mendojnë së përfshirja e ndonjë elementi mund ti hapte rrugën transferimit të Riqui Puig .
Në rast se rikthemi mbrapa në kohë Barcelona është interesuar në disa raste për golashënuesin Lautaro Martinez dhe drejtuesit përkatës kanë menduar se shkëmbimi kokë më kokë me Riqui Puig mund të rezultonte efikas . Duke iu referuar bardhezinvje planet e shumta të bëra i kanë krijuar idenë se monedhat e shkëmbimit si Aaron Ramsey , Rodrigo Betancur , Adrien Rabiot , ose Federico Bernardeschi mund ta lehtësonin ‘’ Ok ‘’e kësaj rruge.
Situata e ndërlikuar e Riqui Puig nën drejtimin e Ronald Koeman e ka mbushur kupën sepse nuk është aktivizuar si titullar që nga 13 shkurti kundër Deportivo Alaves dhe ka qëndruar në stol që prej ndeshjes kundër Real Valladolid e luajtur në 5 prill. Ky fakt mbetet një indikator potent se gjasat për të qëndruar në ‘’ Camp Nou ‘’ janë të reduktuara dhe duke marrë në shqyrtim talentin e tij kalimi në ‘’ Giusseppe Meazza ‘’ do ti jepte shansin për ti vënë pikën përfundimtare kalvarit të kaluar me ‘’ Los Cules ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
