Rendimenti i Rasmus Hojlund sa vjen edhe përmirësohet dhe pas Real Madridit, Arsenali dhe Juventusi kanë shfaqur interes për danezin.
Përpara këtij fakti , drejtuesit e Atalantës e kanë bërë të qartë kërkesën prej 50 milionë eurosh për lojtarin i cili ka ngjashmëri me Erling Haaland.
Mikel Arteta ëndërron që ti dërgojë ‘’ Topchinjtë ‘’ drejt titujve , të cilët mungojnë prej kohësh ndërsa torinezët i druhen një largimi të Dusan Vlahovicit dhe nëse do të jetë kështu, 20 vjeçari konsiderohet i duhuri nga traineri Massimiliano Allegri.
Duke iu referuar ndeshjeve të zhvilluara , Rasmus Hojlund mund të shëndërrohet një ndër transferimet më të bujshëm gjatë verës , i cili deri më tani numëron 13 gola dhe 5 asiste me të ashtuquajturën ‘’ La Dea ‘’.
Ndërkohë vështirësitë e hasura nga bardhezinjtë në sezonin aktual, fillimisht me eleminimin nga Champions League dhe më pas me heqjen e pikëve janë tregues se merkatoja e verës meriton vëmëndjen maksimale me objektivin e hedhjes pas krahëve në atë vijues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
