Tashmë është zyrtare, sulmuesi i Napolit, Victor Osimhen nuk do të marrë pjesë në Kupën e Afrikës me Nigerinë.
Prej ditësh, Osimhen ishte në dyshim, pasi kishte rezultuar pozitiv me Covid-19 dhe nuk ishte gati.
Ka qenë vetë federata nigeriane, që ka bërë publike listën e Nigerisë, me lojtarët që do të luajnë në Kupën e Afrikës. Në sy bie menjëherë mungesa e Osimhen, i cili nuk do të mund të japë dot kontributin e tij për kombëtaren.
Vlen të përmendet se pak javë më parë, 23-vjeçari pësoi një dëmtim të rëndë më fytyrë, që e la jashtë fushave të blerta për një kohë të gjatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
