Inter ka shënuar tre herë kundër Sassuolo-s në mbrëmjen e sotme, por në fund nuk ka dalë me pikë të plota, duke i thenë praktikisht mirupafshim titullit kampion pasi tani diferenca me Juventusin kryesues ka shkuar në 8 pikë. Takimi ndaj kundërshtarit që i ka hapur punë pothuajse çdo sezon përfundoi me rezultatin 3-3.
Në San Siro miqtë kaluan në avantazh që në minutën e 4 falë Caputo-s. Interi shtanget, por pas këtij momenti shikon vetëm para dhe në minutën e 41 Romelu Lukaku do të kthente në gol një penallti të fituar nga qendëmbrojtësi Skriniar. Goli i jep zemër ekipit të drejtuar nga Conte dhe brenda pjesë së parë do të përmbysnin me Biraghi-n, për të cilin asistoi Sanchez.
Në pjesën e dytë Interi do të ulte vigjilencën dhe atëherë kur ishte momenti më delikat, në minutën e 81 Sassuolo barazoi me Berardi-n, që realizoi me penallti. U mendua se ndeshja do mbyllej këtu por Interi sërish kaloi në avantazh me Borja Valero, por që u zhvlerësua 1 minut para kohës së rregullt nga Magnani, i cili i hoqi fitoren nga duart Interit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
