Tanimë me 33 vite mbi supe Neymar Junior është i ndërgjegjshëm se nuk i mbetet edhe shumë kohë në futbollin e luajtur.
Sigurisht ndër vite është konsideruar një ndër më të mirët në pozicionin ku aktivizohet, i cili pas një eksperience në Arabinë Saudite tek Al-Hilal është rikthyer tek ekipi i zemrës.
Mirëpo, dihet se Botërori i 2026-tës është pas dere dhe Neymar konsiderohet një referent tek ‘’ Seleçao ‘’, kombëtare e cila drejtohet nga i mirënjohuri Carlo Ancelotti.
Së fundmi për golashënuesin ka shfaqur interes Napoli, i cili sipas ‘ La Gazzetta dello Sport ‘ është shprehur se synon të rikthehet në Europë.
Gjatë merkatos së verës presidenti i ‘’ Azurrëve ‘’ Aurelio Di Laurentis e mendoi seriozisht transferimin e Neymarit në ‘’ Diego Armando Maradona ‘’, i cili gjithsesi mbetet një lojtar tejet kualitativ, teknik, me një inteligjencë taktike për tu admiruar dhe i vështirë për tu markuar nga çdo rival.
Duke qenë se kontrata me Santosin është drejt përfundimit, ish traineri i Interit shpreson në arritjen e një marrëveshjeje me Neymar Junior, të cilin agjenti i tij Pini Zahavi e ka ofruar edhe tek Interi.
Seria A konsiderohet destinacioni ideal për të rikuperuar terrenin e humbur dhe të përgatitet maksimalisht për këtë eveniment, duke patur parasysh se Brazili është një ndër kandidatët për ta fituar.
Një aspekt që s'duhet harruar është se Neymar është i gatshëm ti reduktojë pretendimet dhe të aktivizohet në një ligë kompetitive, pa dyshim tek një ndër ekipet më cilësorë.
Me 31 dhjetor i përfundon kontrata me Santosin dhe objektivi i tij është ta bindë Carlo Ancelottin për të qenë i përzgjedhur në 11-shen titullare e cila do të performojë në këtë eveniment shumë të rëndësishëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
