Largimi i Achraf Hakimit e ka rritur përgjegjësinë tek Interi në funksion të gjetjes së zëvëndësuesit ideal . Zikaltërit tashmë me Simone Inzaghin në stol do të kenë shumë punë për të bërë me qëllimin e justifikimit të titullit të fituar në sezonin e kaluar . Për këtë arsye drejtuesit e italianëve vijojnë me këmbnguljet për të firmosur me mbrojtësin e Psv Eindhoven Denzel Dumfries për të cilin Interi e ka rritur ofertën deri në 16 milionë euro .
Paraqitja dinjitoze në Europian e ka vënë në fokusin e kampionëve në fuqi të Scudettos të cilët sipas ‘ Calciomercatos ‘ nuk mendojnë të sprapsen në lidhje me 25 vjeçarin i cili ka lënë gjurmë në ‘’ Philips Stadion ‘’.
Një pjesë e parave nga largimi i Romelu Lukakut tek Chelsea do ti destinohet në mënyre direkte afrimit të anësorit potent në ‘’ Giusseppe Meazza ‘’ për të cilin Interi lufton prej kohësh . Problematika e Interit në lidhje me anën ekonomike mbetet prezente dhe domosdoshmërisht i duhet të shesë për tu përforcuar siç duhet në vigjilie të sezonit të ri , në të cilin e presin sfida shumë interesante si në Itali ashtu edhe në Uefa Champions League .
Mbërritja e mundshme e Denzel Dumfries në Milano do të ishte një hap shumë i rëndësishëm në karrierën e tij sepse do ti bashkohej një ekipi fitues i cili aspiron për shtimin e trofeve në vitrinë dhe gjithashtu do të kishte kënaqësinë e të luajturit në Champions me një ekip që e njeh shumë mirë këtë kompeticion për arsye se e ka fituar tre herë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
