Chiellini drejt largimit nga Juventus

Mbrojtësi Giorgio Chiellini me shumë mundësi është duke kaluar muajt e fundit tek Juventusi .  36 vjeçari  ka vendosur për të mos e zgjatur kontratën  përtej 30 qershorit me ‘’ Zonjën e Vjetër ‘’  për të provuar një tjetër eksperiencë.  Bardhezinjtë kanë nevojë për një reformim të menjëhershëm sepse ky sezon ka rezultuar për tu harruar për arsye se i  ka nxjerrë  jashtë objektivave torinezët.  I konsideruar si një referencë absolute si e Juventusit në veçanti  ashtu edhe e Serinë A në përgjithësi përgjatë shumë viteve sipas Calciomercatos e ardhmja e  lojtarit nga Pisa lidhet me nje kalim në Major League Soccer , kampionat që është një destinacion i  preferuar për figura të tilla .   Me një eksperiencë të madhe mbi supe  Giorgio Chiellini mbetet  pa asnjë dyshim një legjendë e juventinëve sepse në 16 sezone ka fituar  trofe të panumërt  dhe vlerësohet maksimalisht  në insitucionin torinez.  Pavarësisht se  është ende herët për të dhënë një verdikt me konkret ,  pistës së Amerikës i është shtuar edhe ajo e  Arabisë Saudite duke i shkaktuar një kënaqësi të veçantë italianit  .   Me shumë mundësi Giorgio Chiellini do të jetë një ndër rastet e shumta që është drejt  marrjes së  vendimit për tu larguar nga skuadra e zemrës për të provuar veten në një kampionat me një nivel shumë më inferior në krahasim me Calcion .  Ky sezon si për të ashtu edhe për  Juventusin nuk ka rezultuar i duhuri sepse janë mposhtur pas 9 sezoneve  nga kundershtarët e Interit . Major League Soccer ka hedhur hapa të vlefshëm në kuptimin e progresit dhe përgjatë kohës ka fituar një popullaritet të madh në mbarë globin.  Duke anashkaluar paksa imazhin e përparuar   të tilla kampionate kanë edhe një peshë të konsiderueshme në aspektin ekonomik , arsye që vazhdon të tërheqë   shumë lojtarë që kanë lënë gjurmë në Europë .  Nëse referenti kryesor i mbrojtjes së Juventusit do të marrë rrugën e gjatë për në Amerikë do të theksonte  një ndër transferimet më tërheqëse të merkatos  në lidhje me lojtarët që janë drejt fundit të karrierës . Nën drejtimin e ish shokut të skuadrës mbrojtësi potent ka mbajtur veshur fanellën bardhezi në 21 ndeshje gjatë këtij sezoni  dhe i mbetet të presë datën e përfundimit të kontratës për ti dhënë lamtumirën përfundimtare të famshmit ‘’ Allianz Stadium ‘’.