Orët e fundit ka hyrë në garë një rival i sikletshëm i Barcelonës për mesfushorin Jorginho.
Juventusi do të tentojë ta rikthejë në Serinë A, duke patur parasysh se braziliani e përfundon kontratën në ‘’ Stamford Bridge ‘’ në 30 qershorin e 2023-shit.
E ardhmja tek Chelsea mbetet në pikpyetje dhe ‘’ Zonja e Vjetër ‘’ do të kërkojë të mposhtë katalanasit për 30 vjeçarin. Skenari mund të ndryshojë duke filluar nga 1 janari i 2023-shit dhe sipas ‘ Sport ‘ , italianët kanë menduar një ofertë prej 6 milionë eurosh për ishi-n e Napolit.
Gjithsesi, ‘’ Blaugranët ‘’ s’duhen nënvlerësuar kurrsesi sepse shquhen si një ndër protagonistët e çdo merkatoje , marrë shkas edhe nga momenti aktual i vështirë i tyre.
Parashikohet një duel gjigandësh dhe fituesi me shumë gjasa do të jetë ai ekip, drejtuesit e të cilit do të jenë më bindës gjatë negociatave për fantazistin e lindur në Imbituba.
Në rastin e një kalimi në Primera Division do të ishte eksperienca e tretë e Jorginhos ndër pesë kampionatet e elitës në Europë , sigurisht sukses mëse i merituar për arsye të kontributit të dhënë ndër vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
