Pavarësisht aspektit ekonomik jo në lartësinë e duhur, tek Barcelona po punohet fuqimisht për lëvizjet gjatë merkatos së verës.
‘’ Los Cules ‘’ janë ndjeshëm të limituar por gjithsesi përpjekjet vazhdojnë.
Sipas ‘ Mundodeportivos ‘, Marco Verrati është bërë pjesë e projektit ambicioz në orët e fundit, kryefjala e të cilit lidhet me fitimin e titujve në të ardhmen.
Italiani mbron ngjyrat e Al Arabi në ligën e Katarit por problemi për spanjollët është rroga e tij. Sigurisht ky fakt thekson një barrierë për katalanasit, të cilët janë gjendur në këtë situatë gjatë merkatove në vitet e fundit.
Në të kaluarën transferimi në ‘’ Camp Nou ‘’ dështoi pikërisht për arsye të pretendimit të Paris St Germain por tashmë historia ka ndryshuar pasi ishi i Pescaras i është vetëofruar ekipit i cili bëri ligjin në futboll.
Tashmë me 31 vite mbi supe italiani e ka fituar eksperiencën e mjaftueshme për të përfaqësuar një tjetër ekip të famshëm, në rastin konkret një pretendent në çdo sezon për të shtuar trofetë në vitrinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
